১৮. উৎপাদন বৃদ্ধিৰ বাবে তথ্য বিনিময় ব্যৱস্থা
১৮. উৎপাদন বৃদ্ধিৰ বাবে তথ্য বিনিময় ব্যৱস্থা
পশুৰ চিনাক্তকৰণ
- প্ৰতিটো পশুক একোটা নিৰ্দ্দিষ্ট চিন দি চিনাক্ত কৰাকে পশুৰ চিনাক্তকৰণ বোলে।
- পশু একোটাৰ ক্ষেত্ৰত ব্যৱহাৰ কৰা যিকোনো পশুপালনৰ ব্যৱস্থা সম্পৰ্কীয় তথ্য সঠিকৰুপে তথ্যভাণ্ডাৰত মজুত ৰাখিবলৈ পশুৰ চিনাক্তকৰণ অতি গুৰুত্বপূৰ্ণ।
- ভাৰত চৰকাৰে ইতিমধ্যে পশুৰ অনুজীৱজনিত আৰু সোঁচৰা ৰোগৰ প্ৰতিষেধন আৰু নিয়ন্ত্ৰণ আইন, ২০০৯ প্ৰণয়ন কৰিছে, যাৰ অধীনত পশুৰ চিনাক্তকৰণ বাধ্যতামূলক কৰা হৈছে।
- ভাৰত চৰকাৰে এই আইন কাৰ্য্যকৰী কৰিছে যাতে আন্ত:ৰাষ্ট্ৰীয় বিধি অনুসৰি যথোপযুক্ত ব্যৱস্থা গ্ৰহণ কৰিব পৰা যায় ।
- চিনাক্তকৰনৰ বিভিন্ন পদ্ধতি আছে, যেনে- টেট’ কৰা, ব্ৰেণ্ডিং নাম লিখা পদ্ধতি, কৰ্ণফলক আদি।
- কৰ্ণফলকেই হ’ল আটাইতকৈ বেছিকৈ প্ৰয়োগ কৰা পদ্ধতি আৰু ইয়াত প্ৰতিটো পশুক একোটা নিৰ্দ্দিষ্ট সংখ্যাযুক্ত নম্বৰ দিয়া হয় । সেই নম্বৰটোৰ কেতিয়াও দ্বিত প্ৰয়োগ কৰা নহয়।
- যদিহে শুদ্ধকৈ প্ৰয়োগ কৰা হয়, ই একো অসুবিধাৰ সৃষ্টি নকৰে আৰু পশুটোৰ কাণত বহু বছৰলৈকে থাকি যায় ।
- INPAH-এ পঞ্জীকৃত প্ৰতিটো পশুৰ কৰ্ণফলকৰ নম্বৰ আৰু পশুটোৰ বিষয়ে সকলো তথ্য (যেনে-জাত, বয়স, গৰ্ভধাৰণ, দুগ্ধ উৎপাদন, মালিকৰ বিষয়ে, গাঁৱৰ নাম, আদি) তথ্যভাণ্ডাৰত মজুত কৰি ৰাখে, যাতে পশুটোৰ এক স্থায়ী পাৰপত্ৰ তৈয়াৰ কৰিব পাৰি, যিটো পাছত দেশৰ যিকোনো ঠাইলৈ স্থানান্তৰিত কৰিব পৰা যায়।
- ভাৰত চৰকাৰৰ অধীনস্থ পশু পালন আৰু দুগ্ধ উন্নয়ন বিভাগে ৰাষ্ট্ৰীয় দুগ্ধ উন্নয়ন পৰিষদক সমগ্ৰ ভাৰততে একক পশু চিনাক্তকৰণ প্ৰক্ৰিয়া পৰিচালনা কৰিবলৈ অনুমতি প্ৰদান কৰিছে।
- ৰাষ্ট্ৰীয় দুগ্ধ উন্নয়ন পৰিষদে সমগ্ৰ দেশজুৰি একক কৰ্ণফলক ক্ৰয় নিৰ্দেশসহ ৰাষ্ট্ৰীয় দুগ্ধ উন্নয়ন পৰিষদলৈ আবেদন কৰিব পাৰে।
INAPH আৰু পশু স্বাস্থ্য
- পশু স্বাস্থ্য সম্পৰ্কীয় তথ্য ব্যৱস্থাটোৱে পশু স্বাস্থ্য বিষয়ক যিকোনো প্ৰক্ৰিয়া, যেনে- পেলুৰ ঔষধ খুওৱা, টিকাকৰণ, চিকিৎসা, ৰোগ চিনাক্তকৰণ, মহামাৰী নিয়ন্ত্ৰণ, চিকিৎসা শিৱিৰ আদিৰ বিষয়ে সবিশেষ তথ্য সংগ্ৰহ আৰু তেন্তে তথ্য তথ্যভাণ্ডাৰত মজুত ৰখাত সহায় কৰে ।
- এনে ধৰণৰ তথ্যসমূহ প্ৰতিটো পশুৰ ক্ষেত্ৰত গাইগুটীয়াকৈ ৰাখিব পাৰি, যাৰ বাবে এটা চিনাক্তকৰণ নম্বৰৰ প্ৰয়োজন, অথবা সকলো পশুৰ ক্ষেত্ৰত সমূহীয়াকৈ (যেনে: সামূহিক টিকাকৰণ, পেলুৰ ঔষধ থুওৱা অথবা চিকিৎসা শিৱিৰ আদি) ৰাখিব পৰা যায়, য’ত কেৱল প্ৰতিটো পশুৰ নম্বৰ টুকি ৰখাৰ সলনি গাঁওখনৰ নম্বৰ ৰাখিলেই হয় ।
- কৃষকসকল তলত উল্লেখ কৰা ধৰণে উপকৃত হয় :
১) কম্পিউটাৰত কেৱল একোটা পশুৰ ক্ৰমিক নম্বৰটো ভৰাই দিলেই পশুটোৰ সবিশেষ তথ্য পাব পাৰি ।
২) কৃষক এজনে তেওঁৰ পশুটিৰ ক্ষেত্ৰত ল’বলগীয়া ব্যৱস্থা, যেনে- পেলুৰ ঔষধ খুওৱা, টিকাকৰণ (প্ৰতিটো ৰোগৰ বাবে), ৰোগৰ পৰীক্ষা আদি বিষয়ক যাৱতীয় সেৱাসমূহৰ বিষয়ে ম’বাইল ফোনৰ বাৰ্তাৰ জৰিয়তে সময়মতে জাননী লাভ কৰে ।
৩) কেৱল মাত্ৰ চিনাক্তকৰণ নম্বৰ ব্যৱহাৰ কৰি পশুটিৰ ক্ষেত্ৰত লোৱা সকলো ধৰণৰ স্বাস্থ্য সম্বন্ধীয় ব্যৱস্থালীৰ বিষয়ে সবিশেষ তথ্য মুহূৰ্ততে পাব পাৰি ।
৪) যদিহে চুবুৰীয়া অঞ্চলত কোনো ৰোগ মহামাৰী ৰুপত দেখা দিয়ে, তেন্তে তুৰন্তে কৃষকক ম’বাইল ফোনৰ বাৰ্তাৰ জৰিয়তে সেই বিষয়ে জাননী দিয়া হয়, যাতে সময়মতে প্ৰতিষেধক ব্যৱস্থা গ্ৰহণ কৰিব পৰা যায় ।
INAPH আৰু পশু প্ৰজনন
- এই তথ্য ব্যৱস্থাই পশু প্ৰজননৰ ক্ষেত্ৰত লোৱা সকলো যাৱতীয় কাৰ্য্য-ব্যৱস্থা, যেনে- কৃত্ৰিম প্ৰজনন, গৰ্ভধাৰণ, প্ৰসৱ, দুগ্ধ উৎপাদন আদি বিষয়ক সবিশেষ তথ্য মজুত ৰাখিব পাৰে ।
- এনে ধৰণৰ তথ্যসমূহ প্ৰতিটো পশুৰ ক্ষেত্ৰত গাইগুটীয়াকৈ ৰাখিব পাৰি, যাৰ বাবে এটা চিনাক্তকৰণ নম্বৰৰ প্ৰয়োজন ।
- অধিক উৎপাদনৰ সামৰ্থ্য থকা গুণী গাইবোৰ বাচনি কৰা অথবা পৰৱৰ্ত্তী প্ৰজন্মৰ উৎপাদিকা শক্তিৰ ওপৰত নিৰ্ভৰ কৰি বংশগত গুণ থকা ষাঁড় উৎপাদন কৰাৰ বাবে এই তথ্য ব্যৱহাৰ কৰা হয় ।
- তলত উল্লেখ কৰা ধৰণে কৃষকসকল উপকৃত হয় :
১) বিভিন্ন দুগ্ধ চক্ৰত একোজনী গাইয়ে উৎপাদন কৰা গাখীৰৰ পৰিমাণ সম্পৰ্কে সকলো তথ্য এই ব্যৱস্থাটোত সঞ্চিত থাকে ।
২) কৰ্ণফলকে প্ৰতিটো পশুক এককভাৱে চিনাক্ত কৰে । সেয়েহে কৃষকসকলে প্ৰতিটো চিনাক্ত পশুৰ বাবে চৰকাৰী বা বেচৰকাৰীভাৱে আগবঢ়োৱা পশুবীমা, টিকাকৰণ, চিকিৎসা আদিৰ সকলো সা-সুবিধা লাভ কৰিবলৈ সক্ষম হয় ।
৩) কৃষক এজনে তেওঁৰ পশুটিৰ প্ৰজননৰ ক্ষেত্ৰত ল’বলগীয়া ব্যৱস্থা, যেনে- পৰৱৰ্ত্তী গৰম হোৱাৰ দিন, গৰ্ভধাৰণৰ পৰীক্ষা কৰিবলগীয়া দিন, প্ৰসৱৰ দিন আদিৰ বিষয়ে ম’বাইল ফোনৰ বাৰ্তাৰ জৰিয়তে সময়মতে জাননী লাভ কৰে ।
৪) এনে তথ্যসমূহে দেশৰ সৰ্বাধিক দুগ্ধ উৎপাদনৰ ক্ষমতা থকা গাই আৰু ষাঁড় চিনাক্ত কৰাত সহায় কৰে, যাক ব্যৱহাৰ কৰি ভৱিষ্যতে প্ৰজন্মৰ গৰু-ম’হৰ পৰা অধিক উৎপাদন পোৱাটো নিশ্চিত কৰিব পৰা যায় ।
৫) কেন্দ্ৰীয় আৰু ৰাজ্য চৰকাৰসমূহে এই INAPH তথ্য ব্যৱহাৰ কৰি বিভিন্ন নীতি নিৰ্ধাৰণ আৰু আঁচলি তৈয়াৰ কৰে ।
INAPH আৰু পশুৰ পৰিপুষ্টি
পশুৰ পৰিপুষ্টিৰ বাবে সুষম খাদ্য প্ৰস্তুত কৰাত সহায় কৰাটোও INAPH- ৰ এটা অন্যতম উদ্দেশ্য । বিভিন্ন শ্ৰেণীৰ পশুৰ বাবে প্ৰয়োজনীয় পুষ্টি যোগান ধৰিব পৰা সুষম খাদ্য প্ৰস্তুত কৰাত সহায় কৰাৰ বাবে ইয়াত এটা কম্পিউটাৰ প্ৰণালী (চফটৱেৰ) সন্নিৱিষ্ট কৰা হৈছে । লগতে দেশৰ ভিন-ভিন- অঞ্চলত উপলব্ধ আৰু গৰু-ম’হৰ দানাত ব্যৱহৃত বিভিন্ন উপাদানৰ পুষ্টিগত গুণাগুণো এই ব্যৱস্থাত অন্তৰ্ভুক্ত কৰা হৈছে ।
এই চফটৱেৰ ব্যৱহাৰ কৰি কোনো এটি পশুৰ বাবে তাৰ উৎপাদন আৰু আন শাৰীৰিক প্ৰয়োজনীয়তা অনুসৰি সহজলভ্য উপাদানেৰে অতি কম খৰচতে সুষম খাদ্য প্ৰস্তুত কৰিব পাৰি ।
সুষম খাদ্য প্ৰতিটো পশুৰ বাবে গাইগুটীয়াকৈ অথবা একে শাৰীৰিক অৱস্থা আৰু উৎপাদন ক্ষমতা থকা গাইৰ একোটা জাকৰ বাবে সামূহিকভাৱে প্ৰস্তুত কৰিব পৰা যায় ।
পশুক সুষম খাদ্য যোগান ধৰি কৃষকে তলত উল্লেখ কৰা ধৰণে উপকৃত হয় :
১) প্ৰতি লিটাৰ গাখীৰৰ উৎপাদন ব্যয় সম্পৰ্ক কৃষকে সঠিকভাৱে জানিব পাৰে ।
২) কৃষকসকলে বৰ্ত্তমানে ব্যৱহাৰ কৰি থকা পশুখাদ্যৰ পুষ্টিগত গুণ আগুণ, বিশেষকৈ প্ৰ’টিন, হজম কৰিব পৰা পুষ্টিগত উপাদানৰ মুঠ পৰিমাণ, কেলছিয়াম আৰু ফছফৰাছ আদি সম্পৰ্কে সঠিক তথ্য লাভ কৰিব পাৰে ।
৩) উৎপাদন আৰু আন শাৰীৰিক প্ৰয়োজনীয়তা অনুসৰি একোটা পশুৰ বাবে প্ৰয়োজনীয় উপাদানেৰে প্ৰস্তুত কৰিব পৰা এক সুষম খাদ্যৰ এক সঠিক সূত্ৰ কৃষকক প্ৰদান কৰা হয়, যাতে দানাৰ বিভিন্ন উপাদানৰ মাত্ৰা সাল-সলনি কৰি আৰু/অথবা থলুৱাভাৱে উপলব্ধ অপৰম্পৰাগত খাদ্য সস্তাৰ ব্যৱহাৰ কৰি কৃষকে সুষম খাদ্য প্ৰস্তুত কৰিব পাৰে ।
৪) সাম্প্ৰতিক উৎপাদন ক্ষমতা অনুসৰি খাদ্যৰ বাবে হোৱা ব্যয় যথোচিতভাৱে নিয়ন্ত্ৰণ কৰিব পাৰি ।
৫) পশুৰ উৎপাদিকা শক্তি, প্ৰজনন ক্ষমতা আৰু সাধাৰণ স্বাস্থ্য বৃদ্ধি কৰিব পাৰি, যাৰ বাবে কৃষকসকল আৰ্থিকভাৱে অধিক লাভান্বিত হয় ।
শেহতীয়া উন্নীতকৰণ: : 6/22/2020
