আজিকালি সততে আলোচিত স্বাস্থ্যজনিত সমস্যাবোৰৰ অন্যতম হল চুলি সৰা সমস্যা। যেতিয়া আমি অনুভৱ কৰিব ধৰোঁ যে চুলিবোৰ সৰিব ধৰিছে বা পাতল হব ধৰিছে, তেতিয়াহে আমাৰ চুলিখিনিৰ প্ৰতি সাংঘাতিক মৰম উপজিব ধৰে। সৰিব ধৰা চুলিখিনি বচাবলৈ আৰু নতুন চুলি গজাবলৈ বিভিন্ন ব্যৱস্থা বিচাৰি হাবাথুৰি খাওঁ।
চুলি এদিনতে সৰিব নধৰে আৰু বহু কাৰণৰ ফলতহে চুলি সৰে। গতিকে আমি নজনাকৈয়ে বহু আগৰ পৰাই প্ৰক্ৰিয়াটো আৰম্ভ হয়। প্ৰায়ে আমি শৰীৰৰ যত্ন লওঁতে চুলিখিনিৰ প্ৰতি উদাসীন হওঁ আৰু সুস্থ সৱল চুলি পাবলৈ মানি চলিবলগীয়া নিয়ম সমূহ এৰাই চলোঁ।
যিদৰে প্ৰায়ক্ষেত্ৰতে আমাৰ দীৰ্ঘদিনীয়া অযত্নৰ বাবে চুলি সৰে, সেয়ে ইয়াক পুনৰ ঘূৰাই পাবলৈও নিশ্চয় যত্ন আৰু সময়ৰ প্ৰয়োজন হয়।
গতিকে ক্ষন্তেকীয়া উপায়ৰ দ্বাৰা সৰা চুলি গজাব বিচাৰিলে নিশ্চয় সফল হব নোৱাৰি। লিখনিটো চুলিখিনিক প্ৰয়োজনীয় শৰীৰৰ অংশ বুলি আমি যাতে সমানে আদৰ কৰাৰ অভ্যাস কৰোঁ সেই উদ্দেশ্যে লিখা হৈছে।
চুলিত সৌন্দৰ্য চৰ্চাৰ নামত মূৰৰ ছালখনৰ তথা চুলিৰ ক্ষতি সাধন কৰিব পৰা বিভিন্ন দ্ৰৱ্য ঘঁহা ইত্যাদি। কেতিয়াবা ই বংশগত ভাৱেও দেখা যায়।
অতি বেছি চুলিসৰা সমস্যাটোক আয়ুৰ্বেদত খালিত্য নামৰ শিৰোৰোগ(disease related to head) হিচাপে বৰ্ণনা কৰা হৈছে। ৰোমকুপগত বা কেশমূলগত পিত্ত বিভিন্ন কাৰণত দূষিত হৈ ইতিমধ্যে দূষিত হৈ থকা বাতদোষৰ লগত লগ লাগি চুলিবিলাক ইয়াৰ মূল অংশতে নষ্ট কৰি দিয়ে আৰু চুলি সৰা আৰম্ভ হয়।
পিছলৈ দূষিত কফ আৰু ৰক্তই মিলি চুলিৰ মূল(Root) অংশ আৱৰি ধৰি সম্পূৰ্ণ বন্ধ কৰি দিয়ে। যাৰ ফলত চুলি নতুনকৈ গজিব নোৱাৰে।
সেয়েহে পিত্ত শামক আৰু পাচন প্ৰক্ৰিয়া সুচাৰু ভাবে চলাই নিব পৰা বিভিন্ন আহাৰ বিহাৰ আৰু ঔষধ ইয়াৰ বাবে ব্যৱহাৰ কৰা হয়।
প্ৰথমে আমি এজন চিকিৎসকৰ পৰামৰ্শ লোৱা উচিত। চুলি সৰাৰ প্ৰকৃত কাৰণ নিৰূপণ কৰি ইয়াৰ চিকিৎসা কৰিব পাৰিলে সোনকালে সুফল পাব পাৰি।
আনহাতে আমাৰ অনাদৰৰ বাবে যদি সৰিব ধৰিছে তেন্তে সঠিক উপায়ে তাক পুনৰ সুস্থ কৰিবলৈ যত্নপৰ হোৱা দৰকাৰ।
চিকিৎসা:
চুলিসৰাৰ কাৰণ যিহেতু বিভিন্ন সেয়েহে ইয়াৰ চিকিৎসাও তদানুসাৰী বেলেগ বেলেগ হয়। আয়ুৰ্বেদত ইয়াৰ বাবে তলত উল্লেখ কৰা ধৰণে চিকিৎসাৰ প্ৰয়োগ কৰা হয়-
স্থানীয়(local) চিকিৎসা: ইয়াৰ বাবে কিছুমান ঔষধি গুণযুক্ত তেল মূৰত লগাবলৈ দিয়া হয়।
গুৰুত্ব দিবলগীয়া কথাতো হল ইয়াৰ কিছুমান অত্যন্ত তীক্ষ্ণ গুণযুক্ত আৰু কিছুমান নিৰ্দিষ্ট চুলিসৰা ৰোগৰ বাবেহে ব্যৱহাৰ কৰা হয়। সেয়েহে চিকিৎসকৰ পৰামৰ্শ লৈহে ইয়াৰ প্ৰয়োগ কৰা উচিত।
কিছুমান ক্ষেত্ৰত জোক চিকিৎসা (leech therapy) আৰু তিক্ত ক্ষীৰ বস্তি আদি চিকিৎসাৰ প্ৰয়োগ কৰিবলগীয়া হয়।
নাকৰ ভিতৰত নিয়মিত ভাৱে ঔষধি গুণযুক্ত তেল প্ৰয়োগ কৰাৰ (আয়ুৰ্বেদত প্ৰতিমৰ্শ নস্য বুলি কোৱা হয়) উপদেশো কেতিয়াবা দিয়া হয়।
চুলিসৰাৰ কাৰণৰ ওপৰত ভিত্তিকৰি বিভিন্ন খোৱা ঔষধ সেৱন কৰিব দিয়া হয়। শৰীৰৰ ৰোগ প্ৰতিৰোধ ক্ষমতা বৃদ্ধি কৰিব পৰা আৰু মানসিক চাপ নিয়ন্ত্ৰণ কৰিব পৰা ঔষধৰো প্ৰয়োগ কৰিবলগীয়া হয়।
আয়ুৰ্বেদত চুলিক অস্থি ধাতুৰ পৰা উৎপন্ন হয় বুলি গণ্য কৰা হৈছে। সেয়েহে অস্থি(হাড়) ধাতুৰ সঠিক পুষ্টিৰ ওপৰত চুলিৰ অৱস্থা নিৰ্ভৰ কৰে।
সেইবাবে বিভিন্ন অস্থি ধাতু পুষ্টি কৰিব পৰা ঔষধৰ ব্যৱহাৰো চুলিসৰা ৰোধ কৰিবলৈ ব্যৱহাৰ কৰা হয়।
পিত্ত বৰ্ধক অহাৰ যেনে চাহ, কফি, মদ জাতীয় দ্ৰৱ্য, ধূমপান, অত্যধিক তেল আৰু মছলাযুক্ত খাদ্য আদি বৰ্জন কৰিব লাগে।
আয়ুৰ্বেদত ঘী উত্তম খাদ্য হিচাপে গণ্য কৰা হৈছে।
চুলিৰ যত্ন লবলৈ সহজতে গ্ৰহণ কৰিব পৰা কিছুমান ফলপ্ৰসু উপায়:
পিছত ভালদৰে পানীৰে ধুই দিব। যিদিনা চেম্পু কৰে তাৰ পিছত সেইদিনাই ইয়াক লগাব।
চাউল তিয়াই থোৱা পানীত ভিটামিন E, K, B6 আৰু প্ৰটিন থাকে বুলি কোৱা হয়। অলপ চাউল ভালদৰে ধুই 15-20 মিনিটমান সময় তিয়াই থব।
তাৰ পিছত ভালদৰে মোহাৰি চেকি লৈ পানীখিনিৰে মূৰটো কেইমিনিটমান মালিচ কৰি ভালদৰে ধুই দিব। যদি লাগে চেম্পুৰে ধুব। সপ্তাহত দুদিন কৰিব পাৰে।
প্ৰত্যেক সপ্তাহতে এবাৰকৈ কৰিব পাৰে।
এই তেলেৰে কেইমিনিটমান চুলি আৰু গুৰিত মালিচ কৰি এঘন্টা পিছত ধুই দিব। ই চুলি পকা কমোৱাটো সহায় কৰে। সপ্তাহত এবাৰ বা দুবাৰ ব্যৱহাৰ কৰিব পাৰে।
অলপ মেথি গুটি ৰাতি তিয়াই থৈ পিছদিনা বটি মূৰত আধাঘণ্টা মান লগাই ৰাখিব। চেম্পু নোহোৱাকৈ পানীৰে ধুই দিব।
সপ্তাহত দুবাৰ লগাব পাৰে। ই উফি কমোৱাটো সহায় কৰে।
আমাৰ অমনোযোগিতাৰ ফলত বা চুলিৰ স্থানীয় সাধাৰণ সমস্যাৰ বাবে যদি চুলি সৰিব ধৰে, তেন্তে উপৰোক্ত আটাইবোৰ উপায়েৰে চুলিখিনি সুস্থ কৰি ৰাখি অকালতে সৰাৰ পৰা ৰক্ষা কৰিব পাৰি।
কিন্তু যদিহে প্ৰয়োজনীয় যত্ন লোৱাৰ পিছতো অতি বেছিকৈ চুলি সৰিয়ে থাকে, সেয়া আন শাৰীৰিক অসুস্থতাৰ বাবে হব পাৰে।
তেতিয়া চিকিৎসকৰ পৰামৰ্শ লোৱাটো অতি জৰুৰী। আমি আমাৰ চুলিখিনিকো শৰীৰৰ এক অন্যতম অংশ বুলি ভাবি যত্ন আৰু মৰম কৰিলেহে একোছা সুন্দৰ চুলিৰ অধিকাৰী হব পাৰিম।
লেখক: ডাঃ মৃণাল বৈশ্য
উৎস: স্বাস্থ্য দ্য হেলথ ছলিউশ্যনছ
ফোন নং -9613747425
শেহতীয়া উন্নীতকৰণ: : 4/3/2020