অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ফিট্‌নেছৰ বাবে ব্যায়াম

ফিট্‌নেছৰ বাবে ব্যায়াম

আজিৰ কৰ্মব্যস্ততাময় দৈনন্দিন জীৱন যাত্ৰাত মানুহৰ বাবে ফিট্‌ হৈ থকাটো এটি অন্যতম সমস্যাত পৰিণত হৈছে। ফিট্‌নেছ থাকিলেহে এগৰাকী ব্যক্তিয়ে দীৰ্ঘ জীৱন উপভোগ কৰিব পাৰে। ফিট্‌নেছ অটুট ৰাখিবলৈ হ’লে শাৰিৰীক পৰিশ্ৰমৰ লগতে ব্যায়ামৰ ক্ষেত্ৰত গুৰুত্ব দিব লাগে। ট্‌নেছ বিশেষজ্ঞসকলে প্ৰকাশ কৰা মতে, নিয়ম অনুসৰি ব্যায়াম কৰিলে ব্যক্তি এগৰাকীৰ হৃদযন্ত্ৰ; হাঁওফাঁও সবল হোৱাৰ লগতে দেহৰ হাড় আৰু জোৰাসমূহ মজবুত হয় আৰু ওজনো নিয়ন্ত্ৰণত থাকে। নিয়মীয়া ব্যায়ামৰ অভ্যাসৰ জৰিয়তেই অনেক ৰোগ প্ৰতিৰোধ কৰিব পাৰি। বিশেষকৈ ডায়বেটিছ, উচ্চ ৰক্তচাপ, অষ্টিঅ’পৰছিছ, মেদবহুলতা আদি ৰোগ প্ৰতিৰোধ তথা নিয়ন্ত্ৰণৰ ক্ষেত্ৰত ব্যায়ামৰ বিশেষ ভূমিকা আছে। ফিট্‌নেছ বিশেষজ্ঞসকলৰ মতে, ব্যায়াম কৰাৰ সবাতোকৈ সুফলটো হ’ল-এই অভ্যাসটোৱে মানুহৰ মনত স্ফূৰ্তিভাৱ আৰু উদ্যম জগাই তোলে। এই উদ্যমে ব্যক্তি এগৰাকীক দীৰ্ঘজীৱি হোৱাত সহায় কৰে। ব্যায়াম কৰাৰ সময়ত মানুহৰ শৰীৰত ‘এণ্ড’ৰ্ফিল্‌ছ’ নামৰ ৰাসায়নিক দ্ৰব্য এবিধ নিৰ্গত হয় যাৰ প্ৰভাৱত মানুহে সুখ অনুভৱ কৰে। বিশেষজ্ঞসকলে সপ্তাহত পাঁচদিন দৈনিক ৩০ মিনিট সময়কৈ ব্যায়াম কৰাৰ পৰামৰ্শ দিছে। বিশেষকৈ ব্ৰিস্ক ৱাকিং, এৰ’বিক্‌ছ, সাঁতোৰ, চাইক্লিং, জগিং হৈছে সবাতোকৈ উপকাৰী ব্যায়াম। এই ব্যায়ামসমূহ পুৰুষ-মহিলা উভয়ে অনুশীলন কৰিব পাৰে। মাৰ্কিন স্বাস্থ্য গৱেষকে ব্যায়াম আৰু দীৰ্ঘ জীৱনৰ যোগসূত্ৰ সম্পৰ্ক গৱেষণা চলাই কৈছে যে নিয়মীয়াকৈ ব্যায়াম নকৰি আৰামদায়ক তথা বিলাসী জীৱন-শৈলী গঢ়ি তোলা ব্যক্তিতকৈ স্বাস্থ্য নিয়ন্ত্ৰণত ৰখাত সহায় কৰে। গৱেষকসকলৰ মতে, নিয়মীয়াকৈ ব্যায়াম কৰা ব্যক্তিসকল মানসিকভাৱেও উদ্যমী আৰু সুখী হয়। তদুপৰি ব্যায়াম কৰা ব্যক্তিৰ ৰোগ প্ৰতিৰোধক ক্ষমতাও আৰামদায়ক জীৱনশৈলীত অভ্যস্ত লোকৰ তুলনাত অধিক হয় বুলি স্বাস্থ্য গৱেষণাত প্ৰকাশ পাইছে।

লিখক: দিব্যজ্যোতি ভূঞা, দৈনিক অসম।

শেহতীয়া উন্নীতকৰণ: : 5/19/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate