আমাৰ ৰাজ্যখনৰ পটভূমিত সমন্বিত গাহৰি আৰু মীনপালন এটা অতি ফলপ্ৰসূ কৌশল। এই কৌশলত তুলনামূলকভাৱে ন্যূনতম মূলধন বিনিয়োগ আৰু কম কষ্টৰ বিনিময়ত অধিকলাভৱান হোৱাৰ থল থাকে। এই পদ্ধতি অৱলম্বনৰ দ্বাৰা কম মাটিতে অধিক উৎপাদন পোৱাৰ লগতে একেডৰা ক্ষেত্ৰৰপৰাই মাছ, গাহৰি আৰু উদ্যান শস্য পাব পাৰি। এইপ্ৰসংগতে সমন্বিত মীন আৰু গাহৰি পালনৰ ইতিবাচক দিশকেইটা জালি লওঁ আহক-
মুঠৰ ওপৰত এনে পদ্ধতি আমাৰ সাধাৰণ কৃষক বন্ধুসকলৰ বাবে অতি উপযোগী, কাৰণ ইয়াৰ নিম্ন ব্যয়ত অধিক উৎপাদন হয়। এইদুয়োটা ফচলৰেই আৰাম ৰাজ্যখনৰ চাহিদা বৰ্ণনাতীত। উল্লেখযোগ্য যে আন এটা দিশ হ’ল গাহৰি পালনৰ বাবে পানী অপৰিহাৰ্য। মাছৰ লগত গাহৰি পালনৰ সমন্বয় ঘটালে পুখুৰীৰপৰাই অনায়াসে এই পানীখিনি পোৱা যায় বাবে গাহৰিৰ বেমাৰ-আজাৰ কম হয়। ফলস্বৰুপে গাহৰিৰ মৃত্যুৰ হাৰ কমে। এনে এক ভিত্তিগত দিশৰ পৰিপ্ৰেক্ষিতত ৰাজ্যৰ বিভিন্ন প্ৰান্তত ভালেসংখ্যক উচ্চ শিক্ষিত যুৱক-যুৱতীয়ে সমন্বিত গাহৰি আৰু মীন পালন কৌশল ৰুপায়ন কৰি আত্মপ্ৰত্যয়ৰে আত্মস্ংস্থাপন প্ৰশস্ত কৰিছে। কেৱল স্বনিয়োজন প্ৰশস্ত কৰাই নহয়, প্ৰদান কৰিছে অপ্ৰত্যশিত আৰ্থিক সচ্ছলতাও। এই পৰিক্ৰ্মাক আৰু অধিক সুনিৰ্দিষ্ট দিশত সৰলীকৃত আৰু মানকৃত কৰাৰ তাগিদাৰে কৃষক ৰাইজক ন ন সমলৰ সন্ধান দিবলৈ এটি বিশেষ প্ৰকল্প ৰুপায়ণ কৰিছে ভাৰতীয় কৃষি অনুসন্ধান পৰিষদৰ অন্তৰ্গত দুই অগ্ৰণী গৱেষণা স্ংস্থা ৰাণীস্থিত ৰাষ্ট্ৰীয় গাহৰি গৱেষণা কেন্দ্ৰ আৰু দিছপুৰস্থিত কেন্দ্ৰীয় অন্তৰ্দেশীয় মীনক্ষীত্ৰ গৱেষণা প্ৰতিস্থানে (উত্তৰ-পূব শাখা)। দুয়োটা সংস্থাৰ সংসলিষ্ট বিষয়ক পাৰদৰ্শী বিজ্ঞানীসকলে প্ৰকল্পটি সফল কৰাৰ তাড়নাত অহৰহ হৃদয়ৰ তাগিদাৰে কামত ব্ৰ্তী হৈছে। উল্লেখযোগ্য যে ৰাষ্ট্ৰীয় গাহৰি গৱেষণা কেন্দ্ৰৰ সঞ্চালক ড০ বীৰেন্দ্ৰ কুমাৰ ভট্টাচাৰ্যই এইক্ষেত্ৰত বিশেষ উদ্যোগ লৈ গতিশীল নেতৃত্ব প্ৰদান কৰিবলৈ সক্ষম হৈছে। স্মৰ্তব্য যে এঅহাস্থিত ৰাজ্যৰ একমাত্ৰ মীন মহাবিদ্যালয়খনৰ অধ্যাপক ড০ কৃষ্ণকান্ত তামুলীৰ নেতৃত্বত মীন মহাবিদ্যালয়খনৰ পামতো সমন্বিত মীন আৰু গাহৰি পালন সন্দৰ্ভত বিশেষ কাম-কাজৰ সূচনা হৈছে। যথেষ্ট উদ্ভাৱনী চিন্তা-চৰ্চা আৰু মিতব্যয়ী দৃষ্টিভ্ংগীৰে অসমৰ গ্ৰাম্য পৰিবেশৰ বাস্তৱিক পটভূমিত সৰলীকৃত আৰু মানকৃত কৰা এই সমন্বিত কৌশললানিয়ে কঢ়িয়াই আনিছে অনাগত দিনৰ বাবে আশাৰ ৰেঙণি। মহাবিদ্যালয়খনৰ বিজ্ঞান গুৰু তথা বিশিষ্ট পৰিপূষ্টি বিশেষজ্ঞ ড০ কিশোৰ কুমাৰ বৰুৱায়ো সততে দিহা-পৰামৰ্শ আৰু কাৰিকৰী সহযোগিতাৰে সমৃদ্ধ কৰিছে কৌশলটিক। আনহাতে, মেঘালয়ৰ বৰাপানীস্থিত ভাৰতীয় কৃষি অনুসন্ধান পৰিষদৰ অন্তৰ্গত গৱেষণা প্ৰতিষ্ঠানটিৰ প্ৰধান বিজ্ঞানী ড০ সঞ্জয় দাসে গুণগত মানৰ মীন পোনাৰ উপলভ্যতা নিশ্চিত কৰাৰ অৰ্থে বিগত বহু বছৰ ধৰি অব্যাহত ৰাখিছে নিৰলস প্ৰচেষ্টা। এই সকলো সমল বিজ্ঞানীৰ লগতে ৰাজ্যৰ বিভিন্ন প্ৰান্তৰ দুই শতাধিক প্ৰগতিশীল সমন্বিত গাহৰি আৰু মীনপালকৰ অংশগ্ৰহণেৰে অলপতে ৰাষ্ট্ৰীয় গাহৰি গৱেষণা কেন্দ্ৰৰ প্ৰেক্ষাগৃহত অনুস্থিত হয় স্ংশ্লিষ্ট বিষয়ক এক মনোজ্ঞ কৰ্মশালা। কৰ্মশালাখনে নিশ্চিতভাৱে খণ্ডটিলৈ কঢ়িয়াই আনিছে আশাৰ বতৰা। ৰাষ্ট্ৰীয় গাহৰি গৱেষণা কেন্দ্ৰৰ সঞ্চালক ড০ দিলীপ কুমাৰ শৰ্মাৰ পৌৰাহিত্যত অনুস্থিত আৰু মীন মহাবিদ্যালয়, ৰহাৰ বিজ্ঞান গুৰু ড০ কিশোৰ কুমাৰ বৰুৱাই মুখ্য অতিথি হিচাপে অংশগ্ৰহণ কৰা কৰ্মশালাখনত সামগ্ৰিকভাৱে সংশ্লিষ্ট বিষয়ক বিভিন্ন আলোচনা-বিলোচনা আৰু মত বিনিময় কৰা হয়। কেন্দ্ৰ্টিৰ জ্যেষ্ঠ বিজ্ঞানী ড০ কেশৱ বৰ্মণে সাৱলীলভাৱে আঁত ধৰা অনুষ্ঠানটিত ভালেমান বিজ্ঞানী, গৱেষক,বিভাগীয় বিষয়া আদিয়েও অংশগ্ৰহণ কৰে। কৰ্মশালাখনত উন্মোষিত নিম্নোক্ত বিষয়সমূহ মীনপালকসকলৰ জ্ঞাতাৰ্থে লিপিবদ্ধ কৰা হ’ল-
এই বিষয়সমূহ কাৰ্যক্ষেত্ৰত ৰুপায়ণ কৰি সমন্বিতভাৱে গাহৰিৰ লগত মীন পালন কৰিলে আশাতীতভাৱে লাভৱান হোৱাটো নিশ্চিত। উল্লেখযোগ্য যে অসমৰ মাটি, পানী, জলবায়ু আৰু ভৌগোলিক অৱস্থানৰ পটভূমিত সমন্বিত গাহৰি আৰু মীন পালন অতি লাভজনক কৌশল। আগ্ৰহীসকলে এই সম্পৰ্কে যাৱতীয় দিহা-পৰামৰ্শ আৰু প্ৰাস্ংগিক কাৰিকৰী জ্ঞানৰ বাবে উল্লিখিত বিশেষজ্ঞসকলৰ লগত মন বিনিময় কৰি লাভৱান হ’ব পাৰে।
লিখক: ধ্ৰুৱজ্যোতি শৰ্মা
শেহতীয়া উন্নীতকৰণ: : 6/17/2020
গাহৰি পালনৰ আদৰ্শ গাঁও কাচিমপুৰ
জোঙাল বলহু গড় মীন পাম
সমন্বিত মাছ আৰু গাহৰি পালন
ভাৰতবৰ্ষ এখন কৃষি প্ৰধান দেশ।কৃষি প্ৰধান দেশ এখনত ...