মই যি কৰোঁ, তুমিও কৰা
মই যি কৰোঁ, তুমিও কৰা
মই যি কৰোঁ, তুমিও কৰা
অংশগ্ৰহণকাৰী: ৩০ জন
সময়: ৩০ মিনিট
উদ্দেশ্য:
- আনন্দদায়ক পৰিৱেশ এটা গঢ়ি তোলা।
- শাৰীৰিক কাম-কাজৰ দ্বাৰা অংশগ্ৰহণকাৰীসকলক উৎসাহিত কৰা।
কেনেকৈ খেলিব:
- সকলোৱে ঘূৰণীয়াকৈ বহি বা থিয় হৈ লওক।
- প্ৰত্যেকজনে মাজলৈ আহি নিজৰ নাম ক’ব।
- যি কাম কৰি ভাল পায়, সেই কামটো কৰি দেখুৱাব।
- সেই কামটো আন সকলোৱে কৰি দেখুৱাব।
সাৱধানতা:
- এই খেলটোত বেছিভাগ বয়স্ক পুৰুষ মহিলাই কোনো কাম কৰি নেদেখুৱায়। তেওঁলোকক উৎসাহিত কৰিব লাগে।
- একেটা কামকে বাৰে বাৰে কোনেও যাতে নকৰে লক্ষ্য কৰিব।
কাণে কাণে কোৱা কথা
উদ্দেশ্য:
কোনো কথা ভালদৰে বুজিবলৈ সেই কথাটো আগতে আমি নিজে ভালদৰে শুনি বুজিব লাগে। এই খেলটোৱে উৰা বাতৰি কেনেকৈ বিয়পে, সেই কথাটো বুজায়।
কেনেকৈ খেলিব:
- সকলোৱে ঘূৰণীয়াকৈ বহি লওক।
- এজনে এটা বাক্য বা শব্দ কাষত বহি থকাজনৰ কাণে কাণে কওক।
- প্ৰত্যেকজনে নিজৰ ওচৰত বহাজনে কোৱা সেই বাক্যটোকে আনটো কাষত বহাজনৰ কাণে কাণে কৈ যাওক।
- এতিয়া শেষৰজনৰ পৰা আৰম্ভ কৰি প্ৰত্যেকজনকে সোধক-তেওঁক কি শুনিলে।
টোকা:
ইয়াৰ দ্বাৰা শব্দ বা বাক্যটো কোনখিনিত হ’ল সেইটো জনা যাব। এজনে নিজে শুনা কথাটো জানি বুজি বা ভুলকৈ শুনি তাৰ বেলেগ অৰ্থ উলিয়াই আনজনৰ আগত কয়।
লেখিকাৰ নাম: বৰ্ণালী শৰ্মা
শেহতীয়া উন্নীতকৰণ: : 4/26/2020
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
