পাচলিৰ্ পৰা উলিওৱা ৰস শৰীৰৰ সকলো অংগকে অসাধাৰণ ঔষধি, পুনৰুজ্জীৱিত আৰু নৱজীৱন দিৱ পৰা গুণেৰে পৰিপুষ্ট। এনে ৰসে আমাৰ শৰীৰৰ পৰা বিষাক্ত দ্ৰব্য আঁতৰোৱাত যথেষ্ট সহায় কৰে। এই ৰসে আমাৰ ৰক্ত আৰু শৰীৰৰ কোষবোৰ পৰিশোধন কৰে আৰু নতুন কোষ উৎপাদনত সহায় কৰে। এই ৰসৰ ঔষধি গুণৰ কাৰণবোৰ হৈছে-
বজাৰৰ পৰা অনা শাক- পাচলি, ফল- মূলবোৰৰ পৰা ৰস উলিওৱাৰ আগতে ভালকৈ পৰিস্কাৰ কৰি লোৱা অতি আৱশ্যক। কাৰণ সেইবোৰত বিষাক্ত ৰাসায়নিক আৰু কীটনাশক দ্ৰব্য থাকে। প্ৰথমেই সেইবোৰ পৰিস্কাৰ পানীৰে চাফা কৰি বগা ভিনেগাৰত কিছু সময় তিয়াই থ’ব লাগে। এনে কৰিলে বিষাক্ত কীটনাশক দ্ৰব্য কিছু পৰিমাণে আঁতৰি যায়। তাৰ পিছত ২/৩ বাৰ পৰিস্কাৰ পানীৰে চাফা কৰিব লাগে। কিছুমান পাচলি যেনে ওলকবি, বিট, চালগোম আদিত বাকলি বা আৱৰণ থাকে। সেইবোৰ সম্পুৰ্ণকৈ গুচাই ল’ব লাগে। শাক- পাচলি, ফল- মূল পৰিশোধনৰ বিষয়ে এটা কথা এইখিনিতে কৈ থোৱা ভাল যে আজিকালি ইলেট্ৰিকেল, ইলেক্টনিক বিপণীসমূহত এটা বস্তু উপলৱদ্ধ। সেইটো হৈছে ৰাসায়নিক আৰু কীটনাশক দ্ৰব্য নিৰসন কৰা বা আঁতৰ হ্য় বুলি কোম্পানিয়ে দাবী কৰে। শাক- পাচলি আদি পৰিশোধন কৰাৰ পিছত ব্যবহাৰ কৰিব লাগে আৰু ইয়াৰ পৰা ৰস উলিয়াব লাগে। এই শাক- পাচলি কেঁচাই ৰস কৰিব নালাগে, যদিও কেঁচাই কৰা ৰস প্ৰকৃততে বেছি পুষ্টিকৰ। পাচলি সিজাই ৰস কৰা অতি সহজ। কিন্তু সিজাই চুপ বা চুৰুহা কৰিলে তাপ সচেতন এনজাইম আৰু হৰমনবোৰৰ গুণাগুণ কিছু পৰিমানে নষ্ট হৈ যায়। তথাপি সেইবোৰ সিজাই লৈ ৰস কৰা আৱশ্যক, কাৰণ আজিকালি যি হাৰত মাত্ৰাহীনভাৱে শাক- পাচলিত ৰাসায়নিক সাৰ আৰু কীটনাশক প্ৰযোগ কৰে, তাৰ তুলানাত সিজাই ল’লে হয়তো তাপ সচেতন গুণাগুণ কিছু পৰিমাণে নষ্ট হ’ব যদিও সিজাই লোৱাই উত্তম।
উৎসঃ অসমীয়া প্ৰতিদিন
শেহতীয়া উন্নীতকৰণ: : 4/27/2020
কেইবিধমান শীতকালীন পাচলিৰ শস্যৰক্ষাৰ বিষয়ে লিখা হৈ...
বিভিন্ন শাক-পাচলিৰ খাদ্য গুণ