অসমৰ প্ৰধান খাদ্য-শস্য ধান খেতিক আক্ৰমণ কৰা অনিষ্টকাৰী কীট-পতংগসমূহ আৰু ইহঁতৰ প্ৰতিকাৰৰ বিষয়ে তলত আলোচনা কৰা হ’ল-
এই পোকৰ পলুৱে এসপ্তাহমান বাহিৰ কোমল পাতৰ ভিতৰৰ ফালৰ অংশ খাই ধান গছৰ ভিতৰলৈ সোমাই ভিতৰি ভিতৰি খাই তললৈ গৈ থাকে। ফলত আক্ৰান্ত গছৰ গজালি শুকাই যায় আৰু টানি দিলে সহজে উঠি আহে। গছবোৰ খেৰ বৰণৰ হৈ গুকাই যায়।
এই পোকৰ পূৰ্ণাংগ আৰু পোৱালি উভয়ে ধানৰ কুমলীয়া পাতৰ, বিশেষকৈ কঠীয়াতলীত ৰস শুহি খায়। পাত হালধীয়া পৰে আৰু ধানৰ গেঁৰ ধৰা সময়ত আক্ৰমণ কৰিলে ধানবিলাক পতলুৱা হোৱা দেখা যায়। পোকবিধ ক’লা বৰণৰ হয়।
এই ক’লা ৰঙৰ চৰহা বা চেলেকা পোকে পাতৰ সেউজীয়া অংশ খায়। পলুবোৰ পাতৰ সেউজীয়া অংশ খায়। পলুবোৰে পাতৰ সিৰাৰ মাজত সোমাই সেউজীয়া অংশ খাই পাতত বগা আঁচ পেলায়। এই আঁচ ফালি চালে ইয়াৰ বগা চেপেটা পলু পোৱা যায়। বেছিকৈ বগা আৰু পিছলৈ খেৰ বৰণৰ হোৱা দেখা যায়।
এই পোকেও চৰহা পোকৰ দৰে সেউজীয়া অংশ খায়। কিন্তু ই দীঘলীয়াকৈ খাই পাতবিলাক জখলাৰ দৰে কৰি পেলায়। এইক্ষেত্ৰত পাতবোৰ মাজতে কাঁচিৰে কটাৰ দৰেও দেখি।
ইয়াৰ আক্ৰমণো টুপলীকটা পোকৰ দৰেই হয় আৰু বগা পৰা দেখা যায়। এই ক্ষেত্ৰত আগকটাৰ লক্ষণ দেখা নাযায়, কিন্তু পাতবিলাক মেৰ খাই যায়। মেৰ খোৱা পাতৰ মাজত পাতল সেউজীয়া বৰণৰ পলু দেখা যায়। ফলস্বৰূপে পাতবিলাক শুকাই যায় আৰু গছবিলাক বাঢ়িব নোৱাৰে।
সাধাৰণতে বানপানীৰ পাছত শুঁৰ পোকৰ পলুবিলাক ৰাতিৰ ভাগত ধানৰ কুমলীয়া পাতবোৰ এফালৰ পৰা খাই পেলায় আৰু কম সময়ৰ ভিতৰতে ইডৰাৰ পৰা সিডৰা গৰুৱে খোৱাৰ দৰে কৰি পেলায়।
এই পোকে সাধাৰণতে ধানৰ গাখীৰতী অৱস্থাত আক্ৰমণ কৰি ধানৰ গাখীৰ গুহি খায়। যি ঠাইত বিন্ধে সেই ঠাই ক’লা পৰি যায় আৰু থোকবোৰ পতলুৱা হৈ পৰে। ইহঁতৰ গাৰ পৰা ওলোৱা উগ্ৰ গোন্ধটোৰ বাবেই ইহঁতক সহজে ধৰিব পাৰি।
লিখকঃ ভাৰত চন্দ্ৰ নাথ, অসমীয়া খবৰ
শেহতীয়া উন্নীতকৰণ: : 7/20/2020
ধানৰ প্ৰবলীকৰণ পদ্ধতি বা ‘শ্ৰী’ৰ বিষয়ে কিছু কথা
এই শিতানত বিভিন্ন ধানসমূহৰ সিঁচা পদ্ধতি, প্ৰতিপালন...
বায়বীয় ধান