ভৰিৰ গেৰুৱা ফটা

ভৰিৰ গেৰুৱা ফটাতো এটা সৌন্দৰ্য্য সংক্ৰান্তিয় সাধাৰণ সমস্যা৷ ই বিৰক্তিকৰ অৱস্থাত পেলাব পাৰে৷ পিছে ইয়াৰপৰা কেতিয়াবা ডাঙৰ শাৰীৰিক সমস্যাৰো সৃষ্টি হ’ব পাৰে৷ সাধাৰণতে গেৰুৱাৰ বাহিৰফালৰ ছাল টান, ডাঠ আৰু শুকাই গৈ এৰাই যায়৷ ইয়াকেই গেৰুৱা ফটা বোলা হয়৷ কেতিয়াবা কম বেছি পৰিমাণে বিষ হোৱাৰ লগতে তেজো ওলাব পাৰে৷

এইটো এটা সাধাৰণ সমস্যা৷ ছাল শুকাই গ’লেই (জেৰ’ছিছ) এনে হয়৷ গেৰুৱাৰ বাহিৰৰ অংশটোৰ ছাল বেছি ডাঠ হৈ গ’লে এই সমস্যাটো বেছিকৈ হয়৷

কাৰণ

যিকোনো লোকৰেই গেৰুৱা ফাটিব পাৰে, কিন্তু সম্ভাৱনা বেছি থকা কাৰণবোৰ:

• শুকান জলবায়ুৰ পৰিৱেশত বসবাস কৰা।
• শৰীৰ শকত আৰু ওজন বৃদ্ধি।
• একেৰাহে খালি ভৰিৰে খোজ কঢ়া বা গেৰুৱা ওলাই থকা চেণ্ডেল, জোতা পিন্ধা।
• ঘাঁমগ্ৰন্থিৰ নিষ্ক্রিয়তা।

ভৰিৰ আন আন সমস্যাৰ দৰে ভৰি ফটাৰ চিকিত্‍সা নকৰাকৈ থাকিলে ই দ’ আৰু সংক্ৰমিত হব পাৰে। যিসকল লোকৰ ডায়েবেটিছ বা ৰোগ প্ৰতিৰোধ সংক্ৰান্তিয় কিবা সমস্যা আছে, তেনে লোকৰ বাবে ই ভয়াবহ হৈ উঠিব পাৰে৷

চিকিত্‍সা আৰু প্ৰতিৰোধ

নিয়মীয়াকৈ মইছাৰাইজাৰ লগাই থাকিলে গেৰুৱা ফটা ৰোধ কৰিব পৰা যায়৷ প্ৰথম দেখা দিয়াৰ লগে লগে পিউমিছ শিলেৰে ডাঠ ছাল আৰু ফটা অংশ সদাই লাহে লাহে ঘঁহি নোহোৱা কৰিব পৰা যায়৷ খালি ভৰি, গেৰুৱা ওলাই থকা, পাতল শ্বুল থকা চেণ্ডেল বা জোতা পিন্ধি খোজ কাঢ়িব নালাগে৷ কোমল শ্বুলৰ জোতা পিন্ধিলে গেৰুৱা ফটা নিয়ন্ত্ৰণলৈ আহে৷

সদাই দুবাৰ মইছাৰাইজাৰ ঘঁহিব লাগে৷ নিশা শোৱাৰ সময়ত মইছাৰাইজাৰ কৰি মোজা পিন্ধিব লাগে৷

উৎস: আইএনডিজি দল।