পালেং শাকেৰে কণী

উপকৰণ

• কণী দুটা,
• পালেং শাক চাৰি মুঠি,
• নহৰু-আদা বটা এক চাহ চামুচকৈ,
• কুটি লোৱা পিঁয়াজ দুটা,
• নিমখ ৰুচি মতে,
• কেঁচা জলকীয়া দুটা,
• কুটি লোৱা ধনিয়া পাত দুমুঠি।

প্ৰণালী

পালেং পাতখিনি ভালকৈ ধুই অলপ গৰম নিমখ পানীত তিয়াই থ’ব। কণী ফেটি ল’ব। পানীৰপৰা পালেংখিনি উঠাই মিহিকৈ কুটি ল’ব। কুটি লোৱা পালেংখিনিত কুটা পিঁয়াজ-আদা-নহৰু বটা জলকীয়া কুটা ধনিয়া পাত কুটা মিলাই ভালকৈ সানি ল’ব। এটা অ’ভেনৰ বাতিত সামান্য মাখন লগাই প্ৰথমে পালেং সনা অলপ দি ফেটি লোৱা কণী দিব। ভালকৈ মিলাই দিব। বাকী থকা পালেংখিনি দি ফেটি লোৱা কণীখিনি দি সমানকৈ মিলাই অ’ভেনত ১৫০ ডিগ্ৰী চাপত আঠৰ পৰা দহ মিনিট বেক কৰিব। গৰমে গৰমে চ’চ চাটনিৰ লগত পৰিৱেশন কৰিব।

উৎস: অসম বাণী।